Tað eigur at bera til í princippinum at vera ímóti abort og kortini ásanna at reglur, grundaðar á etik, religión, moral ella persónliga áskoðan ikki altíð eru nýtiligar í fjølbroytta og ofta trupla menniskjaliga samskiftinum.  

Princippir og reglur eru ikki konkret støðutakan.  

Reglur og princippir einsrætta og kunnu vera hentar at lena seg uppat  – men absoluttar etiskar reglur um lívið hjá gitna egginum og frælsisrættindi hjá kvinnuni til fosturtøku  – tær clasha!

Hetta er eisini etikkur

Tó so, við atliti til, hvussu hesar reglur virka í veruliga, faktiska dagligdegnum, ber til við umhusni at tryggja virðing fyri bæði komandi børnum og gravidum kvinnum. 

Hetta verður gjørt við at geva gravidu kvinnuni egin rættindi til støðutakan til abort , og samstundis at avmarka henda rætt hennara alt eftir hvussu nógv eggið er útviklað til at gerast eitt barn. Tað gerst við tíðaravmarking. 

Tað er bæði etiskt og moralskt forsvarligt og í samsvari við dagliga veruleikan.